ⓘ Brilpikkewyn

                                     

ⓘ Brilpikkewyn

Die brilpikkewyn is n klein pikkewyn wat endemies is aan die wes- en suidooskuste van Suider-Afrika en die enigste pikkewyn wat in dié area se gebiedswater broei. Wetenskaplikes het vroeer gedink pikkewyne is so ongewoon dat hulle aan n baie vroee tak van voelevolusie behoort, maar onlangse navorsing het getoon hulle is eintlik maar net verwante van stormvoels wat baie goed aangepas is om in die water te lewe. Die brilpikkewyn is een van n aantal spesies wat in n warmer klimaat woon.

Brilpikkewyne word uitgeken aan hulle swart-en-wit gesigspatroon. Hiérdie kenmerk, saam met sy regop houding en swart-en-wit verekleed, maak dit maklik om die voel op land te herken. In teenstelling met volwasse brilpikkewyne het die onvolwasse brilpikkewyn n donker grysblou kleur en makeer die kenmerkende gesigspatroon van die volwassenes. n Brilpikkewyn se lengte wissel tussen 30 en 100 cm.

Brilpikkewyne loop regop op land, maar draai hulle lywe horisontaal as hulle swem. Hulle swem baie laag in die water en slegs die kop en nek steek dan bo die water se oppervlak uit. Die digte vere beskerm die pikkewyne teen die koue water, en die vlerke is omgevorm sodat die voels as t ware onderwater vlieg teen n spoed van 7 km per uur. Brilpikkewyne uiter n harde, donkieagtige geblad wat meestal snags gehoor kan word.

Net minder as die helfte van die brilpikkewyn se dieet bestaan uit vis; verder eet hy ook skaaldiere, pylinkvisse een soort borselwurm.

Die voels vorm groot broeikolonies langs die see en op kuseilande. Siende dat daar nie baie plantegroei op die kus is nie, word die neste van geharde mis gemaak. Brilpikkewyne lê gewoonlik twee tot drie eiers wat beurtelings deur die mannetjie en wyfie uitgebroei word. Die broeityd begin tussen die middel van November en vroeg Desember en hou vir vyf weke aan. Kleintjies word met uitbraaksels gevoer en vir agt weke opgepas. Tydens hierdie periode lei die ouers en hul kleintjies n geïsoleerde lewe, maar oor die algemeen bestaan n kolonie uit 50 tot 100 pikkewyne. Slegs omtrent 40% van alle kleintjies bereik volwassenheid, waarna elkeen n lewenslange maat vind.

Die brilpikkewyn word deur die IUBN geklassifiseer as n kwesbare spesie: die bevolkingstal is besig om drasties te daal. In 1999 was daar slegs 120 000 wilde brilpikkewyne oor: 90% minder as in die 1940s. n Onlangse katastrofiese oliestorting het ongeveer 40% van die bevolking aangetas en gelei tot die wêreld se grootste seevoel-reddingsaksie. Buiten oliestortings word hierdie pikkewyne ook deur oorbevissing bedreig, sowel as natuurlike kompetisie en rowing deur pelsrobbe. Sommige vissers beweer dat die voels die mens benadeel siende dat die vissers met hulle moet kompeteer vir visvangste, maar die voel se grootte en die relatief klein oorblywende bevolkings beteken dat brilpikkewyne slegs 2900 ton vis per jaar eet. Hierdie hoeveelheid is ver te min om tot nadeel van vissers te wees.

Die eilande waarop die pikkewyne broei is tans omgesit in natuurreservate of -parke en heinings is om hulle broeigebiede opgerig om aanvalle op kleintjies en die steel van eiers te voorkom. Die Suid-Afrikaanse Nasionale Stigting vir die Bewaring van Kusvoels SANKUB het ook reeds baie lede van hierdie spesie van oliestortings gered en ná rehabilitasie weer in die natuur losgelaat.

                                     

1. Bronnelys

  • BirdLife International 2005. Spheniscus demersus. In: IUCN 2007. 2007 IUCN Red List of Threatened Species.
  • Fichtner, D. 1999. Spheniscus demersus by Animal Diversity Web.
  • Suider-Afrikaanse Voels, deur Ian Sinclair 1994. Struik uitgewers: Kaapstad. ISBN 1-86825-628-6
                                     
  • Elande wei in die reservaat n Suidelike noorkapper in die see by De Hoop Brilpikkewyn Kaapse tiptol Aronskelkrietpadda Ramsar - konvensie Spookplekke in Suid - Afrika
  • seldsaam is aan die kus van Suid - Afrika. Dit is effens groter as die Brilpikkewyn Die voël is 70 76 cm groot en weeg 3 - 5.2 kg. In Engels staan die
  • weeg 0.8 - 1.6 kg. Die pikkewyn is klein en lyk soos n pas - uit - die - nes - Brilpikkewyn In Engels staan die voël bekend as Little penguin. Dit is sleg eenkeer
  • trekkormorant of trekduiker is die vernaamste verskaffer van ghwano. Die brilpikkewyn word deur die IUBN as n kwesbare spesie geklassifiseer omdat die bevolkingstal
  • plantegroei is daar op die eilandjies byna geen sprake nie. Seevoëls, soos die brilpikkewyn swarttobie, witborskormorant en die trekkormorant kom in groot getalle
  • omdat daar weens oorbevissing minder voedsel in die omringende see is. Brilpikkewyn Spheniscus demersus hulle is ook bedreig weens die gebrek aan voedsel
  • Gewone fret Spermestes fringilloides - Dikbekfret Spheniscus demersus - Brilpikkewyn Spheniscus magellanicus - Magellaanpikkewyn Sphenoeacus afer - Grasvoël
  • Brilbassiaan Procellaria conspicillata Brilmalgas Sula dactylatra Brilpikkewyn Spheniscus demersus Brilseeswael Onychoprion anaethetus Brilsterretjie