ⓘ Brontotheriidae

                                     

ⓘ Brontotheriidae

Die Brontotheriidae is n uitgestorwe familie van die orde onewehoewiges. Hulle taksonomiese posisie in onduidelik, hulle is waarskynlik n basale groep van die orde.

Brontoterie is blaarvreters soos die swartrenoster vandag. Die kleinste spesies was so groot soos n hond, maar die grootste was groter as vandag se renosters en het die huidige olifante in grootte genader. Die lede van die subfamilies Brontotheriinae en Dolichorhiniae het benige uitsteeksels op hulle neuse wat soos die horings van renosters lyk, behalwe dat dit nie uit keratien bestaan het nie, maar uit been.

Die groep het waarskynlik in Noord-Amerika bestaan in die Wasatchian, die grens tussen Vroee- en Midde-Eoseen. In die later deel van die Eoseen was hulle volop op die drie noordelike kontinente. In Noord-Amerika het hulle aan die einde van die Eoseen uitgesterf, in Asie het hulle dalk nog in die Midde-Oligoseen oorleef.

n Belangrike kenmerk van die familie is die profiel van die kiestande. Die bokiestande het n kenmerkende W-profiel. Onder is dit n M-profiel.

                                     
  • perdagtiges Familie Lambdotheriidae Familie Anthracobunidae Familie Brontotheriidae Familie Palaeotheriidae Familie Isectolophidae Familie Pachynolophidae